Kupa e Kosovës në basketboll këtë sezon ka pësuar një ndryshim për dallim nga vitet e kaluara.

Derisa në vitet e fundit zhvillohej në formën e Final 8 në muajin shkurt, këtë sezon ky event fillon më herët, shkruan Arbresh.info.

Më saktësisht, këtë mesjavë nis me sfidat çerekfinale, me një sistem vajtje-ardhje.

Dy ndeshjet e para janë të mërkurën ku vëmendja është tek derbi Peja – Sigal Prishtina. Kjo çerekfinale e parë luhen në palestrën “Karagaçi” në Pejë.

Ndërkohë, sfidat tjetër luhet në Gjakovë mes Vëllaznimit dhe Golden Eagle Yllit.

Kurse ditën e enjte do të luhen edhe dy ndeshje tjera ajo midis Proton Cable Prizrenit – Trepçës dhe Bora – Bashkimi.

Të gjitha këto ndeshje luhen me fillim nga ora 19:00.

Kampion i Kupës së Kosovës në fuqi është Trepça e cila mposhti Sigal Prishtinën në finale./Arbresh.info